ഭരണത്തുടർച്ച കമ്മ്യൂണിസ്റ്റ് പാർട്ടിയെ എങ്ങനെനശിപ്പിക്കുമെന്നത് ബംഗാളിൽ കണ്ടതാണെന്ന് യൂത്ത്കോൺഗ്രസ് സംസ്ഥാന അധ്യക്ഷൻ ഒ ജെ ജനീഷ്.

ഭരണത്തുടർച്ച കമ്മ്യൂണിസ്റ്റ് പാർട്ടിയെ എങ്ങനെ
നശിപ്പിക്കുമെന്നത് ബംഗാളിൽ കണ്ടതാണെന്ന് യൂത്ത്
കോൺഗ്രസ് സംസ്ഥാന അധ്യക്ഷൻ ഒ ജെ ജനീഷ്.
കേരളത്തിലും അതിന്റെ എല്ലാ ലക്ഷണങ്ങളും
കണ്ടുതുടങ്ങിയെന്നും പകുതി സംഘിവൽക്കരിച്ച
സംസ്ഥാന സർക്കാരിന്റെ വിദ്യാഭ്യാസ നയം
എന്താകണമെന്ന് തീരുമാനിക്കാനുളള സ്വാതന്ത്ര്യം
ബിജെപി മുൻ സംസ്ഥാന അധ്യക്ഷൻ കെ സുരേന്ദ്രൻ
പോലും എടുത്തു തുടങ്ങിയത് ആ നാശത്തിന്റെ
സൂചനയാണെന്നും ഒ ജെ ജനീഷ് പറഞ്ഞു. യൂത്ത്
കോൺഗ്രസ് കോഴിക്കോട് ജില്ലാ കമ്മിറ്റി സംഘടിപ്പിച്ച
യൂത്ത് പഞ്ചായത്ത് പ്രവർത്തക കൺവെൻഷൻ
ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പൊലീസ് യൂണിഫോമിലെ നക്ഷത്രവും
സിപിഐഎമ്മിന്റെ കൊടിയിലെ നക്ഷത്രവും
ഒരുപോലെയാണെന്ന് കരുതുന്ന ഉദ്യോഗസ്ഥരുണ്ടെന്നും
അത് അങ്ങനെയല്ലെന്ന് അവർക്ക് വൈകാതെ
മനസിലാകുമെന്നും ഒ ജെ ജനീഷ് പറഞ്ഞു.
പേരാമ്ബ്രയിൽ ഷാഫി പറമ്ബിൽ എംപിക്കും
യുഡിഎഫ് പ്രവർത്തകർക്കും നേരെ ആക്രമണം
അഴിച്ചുവിട്ട പൊലീസ് സംഘർഷം വ്യാപിപ്പിക്കാനാണ്
ശ്രമിച്ചതെന്നും യൂത്ത് കോൺഗ്രസ് സംസ്ഥാന ജനറൽ
സെക്രട്ടറി വി പി ദുൽഖിഫിനെ അന്യായമായാണ്
പൊലീസ് അറസ്റ്റ് ചെയ്ത് റിമാൻഡിലാക്കിയതെന്നും
അദ്ദേഹം ആരോപിച്ചു.