കൊല്ലം എരൂരില് ആണ് ഭാര്യയെ കൊലപ്പെടുത്തിയ ശേഷം ഭർത്താവ് ജീവനൊടുക്കിയത്. ചാഴിക്കുളം നിരപ്പില് സ്വദേശി റജി , ഭാര്യ പ്രശോഭ എന്നിവരാണ് മരിച്ചത്. കോടാലി കൊണ്ട് തലയ്ക്കടിച്ചാണ് ഭാര്യയെ കൊല്ലപ്പെടുത്തിയത്. റജി മദ്യപിച്ച് പ്രശ്നങ്ങളുണ്ടാക്കുന്നത് പതിവാണെന്നും ഇന്നലെ രാത്രിയും ഭാര്യയുമായി വഴക്കിട്ടെന്നും അയല്ക്കാർ പറയുന്നു.
രണ്ട് മക്കളും വിവാഹിതരായി പോയ ശേഷം ചാഴിക്കുളം നിരപ്പിലുള്ള വീട്ടില് റജിയും ഭാര്യയും മാത്രമായിരുന്നു താമസം. അമ്മയെ ഫോണ് വിളിച്ചിട്ട് കിട്ടാതായതോടെ മകള് ഉച്ചയ്ക്ക് വീട്ടില് എത്തി നോക്കുമ്ബോഴാണ് ഞെട്ടിക്കുന്ന ദൃശ്യങ്ങള് കാണുന്നത്. വീട് അകത്ത് നിന്ന് പൂട്ടിയിരുന്നു. സമീപത്തുണ്ടായിരുന്നവരുടെ സഹായത്തോടെ നടത്തിയ പരിശോധനയിലാണ് വീട്ടിനുള്ളില് റജിയുടെയും ഭാര്യ പ്രശോഭയുടെയും മൃതദേഹം കണ്ടെത്തിയത്. റജിയുടെ മൃതദേഹം തൂങ്ങി മരിച്ച നിലയിലായിരുന്നു.
നിലത്ത് ചുമരിനോട് ചേർന്ന് തലയില് നിന്നും ചോര വാർന്ന നിലയിലായിരുന്നു പ്രശോഭയുടെ മൃതദേഹം കണ്ടെത്തിയത്. ഭാര്യയെ കൊലപ്പെടുത്തി ഭർത്താവ് ആത്മഹത്യ ചെയ്തതെന്നാണ് പ്രാഥമിക നിഗമനം.ടാപ്പിംഗ് തൊഴിലാളിയാണ് റജി. വീട്ടില് മദ്യപിച്ചെത്തി റജി പ്രശ്നങ്ങള് ഉണ്ടാക്കിയിരുന്നുവെന്ന് അയല്ക്കാർ പറയുന്നു. ഇന്നലെ രാത്രിയും റജിയും ഭാര്യയും തമ്മില് വഴക്കുണ്ടായി. ഏരൂർ പൊലീസ് ബന്ധുക്കളുടെയും അയല്ക്കാരുടെയും മൊഴി ശേഖരിച്ച് അന്വേഷണം തുടരുകയാണ്. ഇൻക്വസ്റ്റ് നടപടികള്ക്ക് ശേഷം മൃതദേഹങ്ങള് പോസ്റ്റ്മോർട്ടത്തിനായി മാറ്റി.
