നിയന്ത്രണം വിട്ട ബൈക്ക് മരത്തിലിടിച്ച്‌ യുവാവ് മരിച്ചു. ചേർത്തല തണ്ണീർമുക്കത്ത് ഇന്നലെ രാത്രി 12 മണിയോടെയായിരുന്നു അപകടം.
തണ്ണീർമുക്കം സ്വദേശി മനുസിബി (24) ആണ് മരിച്ചത്. അപകടത്തില്‍ മനുവിനൊപ്പമുണ്ടായിരുന്ന സുഹൃത്തിന് ഗുരുതരമായി പരിക്കേറ്റു. അലൻ കുഞ്ഞുമോനാണ് പരിക്കേറ്റത്. നിലവില്‍ കുഞ്ഞുമോൻ ലേക് ഷോർ ആശുപത്രിയില്‍ ചികിത്സയിലാണ്.
നിയന്ത്രണം വിട്ട ബൈക്ക് മരത്തിലിടിക്കുകയായിരുന്നു. ഇടിയുടെ ആഘാതത്തില്‍ ഇരുവരും തെറിച്ചുവീണു. മനുസിബി തത്സമയം മരണപ്പെടുകയും സുഹൃത്തിന് ഗുരുതരമായി പരിക്കേല്‍ക്കുകയുമായിരുന്നു. മനുസിബിയുടെ മൃതദേഹം പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്‍കും.