ആസിഫ് അലിയെ നായകനാക്കി ജോഫിൻ ടി ചാക്കോ സംവിധാനം ചെയ്യുന്ന ‘രേഖാചിത്രം’ റിലീസ് തിയതി പുറത്തുവിട്ടു.
2025 ജനുവരി ഒമ്ബതിന് പ്രദർശനം ആരംഭിക്കുന്ന ചിത്രം കാവ്യ ഫിലിം കമ്ബനി, ആൻ മെഗാ മീഡിയ എന്നീ ബാനറുകളില്‍ വേണു കുന്നപ്പിള്ളിയാണ് നിർമ്മിക്കുന്നത്.
ആസിഫ് അലി പോലീസ് വേഷത്തില്‍ പ്രത്യക്ഷപ്പെടുന്ന ഈ ചിത്രം ഇൻവെസ്റ്റിഗേഷൻ ത്രില്ലറാണോ എന്ന പ്രതീക്ഷയില്‍ കാത്തിരിക്കുമ്ബോഴാണ് പ്രേക്ഷകരെ ആകാംക്ഷയിലാഴ്ത്താൻ തക്കവണ്ണമുള്ള പുതിയ പോസ്റ്ററുകള്‍ എത്തിയിരിക്കുന്നത്.
അനശ്വര രാജന്റെ കന്യാസ്ത്രീ വേഷത്തിലുള്ള പോസ്റ്ററുകളും ശ്രദ്ധ നേടിയിരിക്കുന്നു. ജോഫിൻ ടി ചാക്കോ, രാമു സുനില്‍ എന്നിവരുടെ കഥക്ക് ജോണ്‍ മന്ത്രിക്കല്‍ തിരക്കഥ രചിച്ചിരിക്കുന്നു. വമ്ബൻ ബജറ്റിലാണ് ചിത്രം ഒരുങ്ങുന്നത്. അനശ്വര രാജനാണ് ചിത്രത്തിലെ നായിക.
കാവ്യ ഫിലിം കമ്ബനിയും ആൻ മെഗാ മീഡിയയും വീണ്ടും ഒന്നിക്കുന്ന ചിത്രമാണിത്. മനോജ് കെ ജയൻ, ഭാമ അരുണ്‍, സിദ്ദിഖ്, ജഗദീഷ്, സായികുമാർ, ഇന്ദ്രൻസ്, ശ്രീകാന്ത് മുരളി, നിഷാന്ത് സാഗർ, പ്രേംപ്രകാശ്, ഹരിശ്രീ അശോകൻ, സുധി കോപ്പ, മേഘ തോമസ്, സെറിൻ ശിഹാബ് തുടങ്ങിയവരും ചിത്രത്തില്‍ അഭിനയിക്കുന്നു.
ഛായാഗ്രഹണം: അപ്പു പ്രഭാകർ. ചിത്രസംയോജനം: ഷമീർ മുഹമ്മദ്. കലാസംവിധാനം: ഷാജി നടുവില്‍. സംഗീത സംവിധാനം: മുജീബ് മജീദ്. ഓഡിയോഗ്രഫി: ജയദേവൻ ചാക്കടത്ത്. ലൈൻ പ്രൊഡ്യൂസർ: ഗോപകുമാർ ജി കെ. പ്രൊഡക്ഷൻ കണ്‍ട്രോളർ: ഷിബു ജി സുശീലൻ.
വസ്ത്രാലങ്കാരം: സമീറ സനീഷ്. മേക്കപ്പ്: റോണക്‌സ് സേവ്യർ. വിഫ്‌എക്സ്: മൈൻഡ്സ്റ്റീൻ സ്റ്റുഡിയോസ്. വിഫ്‌എക്സ് സൂപ്പർവൈസർസ്: ആൻഡ്രൂ ഡി ക്രൂസ്, വിശാഖ് ബാബു. ചീഫ് അസോസിയേറ്റ് ഡയറക്ടർ: ബേബി പണിക്കർ, പ്രേംനാഥ്‌. പ്രൊഡക്ഷൻ കോർഡിനേറ്റർ: അഖില്‍ ശൈലജ ശശിധരൻ. കളറിസ്റ്റ്: ലിജു പ്രഭാകർ.
കളറിംഗ് സ്റ്റുഡിയോ: രംഗ് റെയ്സ്. കാവ്യ ഫിലിം കമ്ബനി മാനേജേഴ്സ്: ദിലീപ്. ചെറിയാച്ചൻ അക്കനത്. അസോസിയേറ്റ് ഡയറക്ടർ: ആസിഫ് കുറ്റിപ്പുറം. സംഘട്ടനം: ഫാന്റം പ്രദീപ്‌. സ്റ്റില്‍സ്: ബിജിത് ധർമ്മടം. ഡിസൈൻ: യെല്ലോടൂത്ത്. പി ആർ ഒ ആൻഡ് മാർക്കറ്റിംഗ്: വൈശാഖ് വടക്കേവീട്, ജിനു അനില്‍കുമാർ.