സൗദി പ്രോ ലീഗില്‍ ക്രിസ്റ്റ്യാനോയ്ക്കും സംഘത്തിനും തോല്‍വി. കരുത്തരായ അല്‍ എത്തിഹാദിനോടാണ് അൻ നസർ 2-1 ന് തോറ്റത്.
തോല്‍വിയോടെ ലീഗില്‍ ടീമിന്റെ കിരീട പ്രതീക്ഷകള്‍ക്കും മങ്ങലേറ്റു. ക്രിസ്റ്റ്യാനോ റൊണാള്‍ഡോയാണ് നസറിന്റെ ഗോള്‍ നേടിയത്. എത്തിഹാദിനായി ഫ്രഞ്ച് താരം കരീം ബെൻസെമയും വല കുലുക്കി.
ജിദ്ദയിലെ കിങ് അബ്ദുല്ല സ്പോർട്സ് സിറ്റിയില്‍ നടന്ന മത്സരത്തില്‍ ഇഞ്ചുറി ടൈമില്‍ ഡച്ച്‌ താരം സ്റ്റീവൻ ബെർഗ്വിനാണ് ഇത്തിഹാദിൻറെ വിജയഗോള്‍ നേടിയത്. ജയത്തോടെ ലീഗില്‍ ഒന്നാമതുള്ള എത്തിഹാദ് ലീഡ് അഞ്ചുപോയിന്റായി ഉയർത്തി. നെയ്മറിന്റെ അല്‍ ഹിലാലാണ് രണ്ടാം സ്ഥാനത്ത്.