പെരുംജീരകം ദഹനത്തിനും ശരീരഭാരം കുറയ്ക്കുന്നതിനും വളരെ ബെസ്റ്റ് ആണ്. ആന്റിഓക്സിഡന്റുകള്‍, ഡയറ്ററി ഫൈബര്‍, വൈറ്റമിനുകള്‍ തുടങ്ങിയ അവശ്യ പോഷകങ്ങളാല്‍ നിറഞ്ഞ പെരുംജീരകം നല്‍കുന്ന ആരോഗ്യകരമായ നേട്ടങ്ങളെ കുറിച്ച്‌ അറിയാതെ പോകരുത്.
ഒരു ദിവസം പെരുംജീരകം കുതിര്‍ത്ത വെള്ളത്തില്‍ നിന്നും തുടങ്ങുന്നത് ആരോഗ്യത്തിന് വലിയ മാറ്റങ്ങള്‍ തന്നെ കൊണ്ടു വരും.
ദഹനത്തെ സഹായിക്കും
നൂറ്റാണ്ടുകളായി, പെരുംജീരകം ദഹനപ്രശ്‌നങ്ങള്‍ക്കുള്ള പ്രകൃതിദത്ത പരിഹാരമായി ഉപയോഗിക്കുന്നു. രാവിലെ ആദ്യം തന്നെ പെരുംജീരകം വെള്ളം കുടിക്കുന്നത് ദഹന എന്‍സൈമുകളുടെ ഉത്പാദനത്തെ ഉത്തേജിപ്പിക്കും. ഇത് ശരീരത്തിന് ഭക്ഷണം വിഘടിപ്പിക്കുന്നത് എളുപ്പമാക്കുന്നു. ശരീരഭാരം, ഗ്യാസ്, മലബന്ധം തുടങ്ങിയ സാധാരണ പ്രശ്‌നങ്ങള്‍ ഒഴിവാക്കാന്‍ സഹായിക്കും. ദഹനം മെച്ചപ്പെടുത്തുന്നതിലൂടെ, പെരുംജീരകം വെള്ളം പോഷകങ്ങള്‍ ആഗിരണം ചെയ്യാന്‍ സഹായിക്കുന്നു. ഇത് മൊത്തത്തിലുള്ള ആരോഗ്യം മെച്ചപ്പെടുത്തുന്നു.
ശരീരഭാരം കുറയ്ക്കാന്‍ സഹായിക്കുന്നു
പെരുംജീരകം വെള്ളത്തിന് വിശപ്പ് ശമിപ്പിക്കാന്‍ കഴിയും. പെരുംജീരകത്തിലെ നാരുകള്‍ കൂടുതല്‍ നേരം വയര്‍ നിറഞ്ഞ പ്രതീതി അനുഭവപ്പെടാന്‍ സഹായിക്കുന്നു. ഭക്ഷണത്തിനിടയില്‍ ലഘുഭക്ഷണം കഴിക്കാനുള്ള പ്രവണത കുറയ്ക്കുന്നു. മാത്രമല്ല, പെരുംജീരകത്തിലെ ഉപാപചയപ്രവര്‍ത്തനം വര്‍ധിപ്പിക്കുന്ന ഘടകങ്ങള്‍ ശരീരഭാരം കുറയ്ക്കാനുള്ള ശ്രമങ്ങളെ പിന്തുണയ്ക്കും. അനാരോഗ്യകരമായ ഭക്ഷണക്രമം കൂടാതെ ശരീരഭാരം കുറയ്ക്കാന്‍ സഹായിക്കും.
ഉപാപയപ്രവര്‍ത്തനം മെച്ചപ്പെടുത്തുന്നു
പ്രഭാത ദിനചര്യയില്‍ പെരുംജീരകം വെള്ളം ഉള്‍പ്പെടുത്തുന്നത് ഉപാപചയപ്രവര്‍ത്തനങ്ങള്‍ക്ക് ഉത്തേജനം നല്‍കും. പെരുംജീരകത്തില്‍ കാണപ്പെടുന്ന അവശ്യ എണ്ണകള്‍, പ്രത്യേകിച്ച്‌ അനെത്തോള്‍, ഉപാപചയ പ്രവര്‍ത്തനങ്ങള്‍ വേഗത്തിലാക്കാന്‍ സഹായിക്കുന്നു. വേഗത്തിലുള്ള ഉപാപചയപ്രവര്‍ത്തനത്തിന്റെ അര്‍ത്ഥം ശരീരം കൂടുതല്‍ ഫലപ്രദമായി കലോറി കത്തിക്കുന്നു എന്നാണ്. ഇത് ശരീരഭാരം നിലനിര്‍ത്താനോ കുറയ്ക്കാനോ ശ്രമിക്കുന്നവര്‍ക്ക് സഹായകരമാണ്.
ജലാംശം നിലനിര്‍ത്തുന്നു
ശരീരത്തില്‍ ജലാംശം നിലനിര്‍ത്തുന്നത് മൊത്തത്തിലുള്ള ആരോഗ്യത്തിന് അത്യന്താപേക്ഷിതമാണ്. അതിനുള്ള മികച്ച മാര്‍ഗമാണ് പെരുംജീരകം വെള്ളം. ഒരു ഗ്ലാസ് പെരുംജീരകം വെള്ളം കുടിച്ച്‌ ദിവസം ആരംഭിക്കുന്നത് നിങ്ങള്‍ക്ക് ഉന്മേഷം നല്‍കുകയും ജലാംശം വര്‍ധിപ്പിക്കുകയും ചെയ്യുന്നു.
പെരുംജീരകം വെള്ളം കുടിക്കേണ്ട വിധം?
മൊത്തത്തിലുള്ള ആരോഗ്യത്തിന് സഹായിക്കുന്ന അവശ്യ പോഷകങ്ങളാല്‍ പെരുംജീരകം നിറഞ്ഞിരിക്കുന്നു. ഒരു ദിവസം തുടങ്ങാനുള്ള മികച്ച പാനീയമാണ്. നല്ല ഫലങ്ങള്‍ക്കായി ദിവസവും രാവിലെ വെറും വയറ്റില്‍ കുടിക്കുക. ഒരു ഗ്ലാസ് വെള്ളത്തില്‍ ഒരു സ്പൂണ്‍ പെരുംജീരകം കുതിര്‍ക്കാനായി മാറ്റിവയ്ക്കുക. പിറ്റേ ദിവസം രാവിലെ വെറുംവയറ്റില്‍ അരിച്ചെടുത്തശേഷം കുടിക്കുക.