കപ്പേള എന്ന ഹിറ്റ് ചിത്രത്തിന് ശേഷം മുഹമ്മദ് മുസ്തഫ സംവിധാനം ചെയ്യുന്ന ‘മുറ’ നവംബർ 8 മുതല്‍ തിയറ്ററുകളിലെത്തും.
സുരാജ് വെഞ്ഞാറമൂട്, ഹ്രിദ്ധു ഹാറൂണ്‍, മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു കൃഷ്ണാ,വിഘ്‌നേശ്വർ സുരേഷ്, കൃഷ് ഹസ്സൻ, സിബി ജോസഫ് എന്നിവരാണ് മുറയിലെ പ്രധാന കഥാപാത്രങ്ങളെ അവതരിപ്പിക്കുന്നത്.
തലസ്ഥാന നഗരിയിലെ ഗ്യാങ്‌സ്റ്റർ കഥയുമായി എത്തുന്ന ചിത്രം ആക്ഷൻ രംഗങ്ങളാല്‍ സമ്ബന്നമാണ്. കപ്പേളക്ക് ശേഷം മുസ്തഫ ഒരുക്കുന്ന മുറ ഒരു വിശ്വല്‍ ട്രീറ്റ് ആണെന്നാണ് പുറത്ത് വന്ന ട്രെയിലറും ടീസറും വ്യക്തമാക്കുന്നത്. ഉപ്പും മുളകും ഫെയിം സുരേഷ് ബാബുവാണ് മുറയുടെ രചന നിർവഹിക്കുന്നത്. എച്ച്‌ ആർ പിക്ചേഴ്സിന്റെ ബാനറില്‍ റിയാ ഷിബുവാണ് ചിത്രം നിർമ്മിച്ചിരിക്കുന്നത്.
ക്യാൻ ഫിലിം ഫെസ്റ്റിവലില്‍ അംഗീകാരം നേടിയ ഓള്‍ വീ ഇമാജിൻ ആസ് ലൈറ്റ്, ബ്രിന്ദാ മാസ്റ്റർ ഒരുക്കിയ തഗ്സ്, സന്തോഷ് ശിവൻ സംവിധാനം ചെയ്ത മുംബൈക്കാർ,ആമസോണ്‍ പ്രൈമില്‍ ഹിറ്റായ ക്രാഷ് കോഴ്സ് സീരീസ് തുടങ്ങിയവയിലെ മികച്ച പ്രകടനങ്ങള്‍ക്കു ശേഷം മലയാളി കൂടിയായ ഹ്രിദ്ധു ഹാറൂണ്‍ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമാണ് മുറ.
ഫാസില്‍ നാസൻ ഛായാഗ്രഹകനായ ചിത്രത്തിന്റെ എഡിറ്റിംഗ് നിർവഹിക്കുന്നത് ചമൻ ചാക്കോയാണ്. എക്സിക്കുട്ടീവ് പ്രൊഡ്യൂസർ – റോണി സക്കറിയ, സംഗീത സംവിധാനം – ക്രിസ്റ്റി ജോബി, കലാസംവിധാനം – ശ്രീനു കല്ലേലില്‍, മേക്കപ്പ് – റോണെക്സ് സേവ്യർ, വസ്ത്രാലങ്കാരം – നിസാർ റഹ്മത്ത്, ആക്ഷൻ – പി.സി. സ്റ്റൻഡ്‌സ്, പ്രൊഡക്ഷൻ കണ്‍ട്രോളർ – ജിത്ത് പിരപ്പൻകോട്, പി ആർ ഓ ആൻഡ് മാർക്കറ്റിങ് കണ്‍സള്‍ട്ടന്റ് – പ്രതീഷ് ശേഖർ.