സിനിമ- നാടക നടൻ ടി.പി കുഞ്ഞിക്കണ്ണൻ (85) അന്തരിച്ചു. ശനിയാഴ്ച പുലർച്ചെ കോഴിക്കോട്ടെ സ്വകാര്യ ആശുപത്രിയിലായിരുന്നു അദ്ദേഹത്തിന്റെ അന്ത്യം.
ഹൃദയാഘാതമാണ് മരണകാരണം. കാസർകോട് ചെറുവത്തൂർ സ്വദേശിയാണ്.
‘ന്നാ താൻ കേസുകൊട്’ എന്ന സിനിമയില്‍ പൊതുമരാമത്ത് വകുപ്പ് മന്ത്രി കെ.പി. പ്രേമൻ എന്ന വേഷം ശ്രദ്ധേയമായിരുന്നു. പൊതുമരാമത്ത് വകുപ്പില്‍ എഞ്ചിനിയറായിരുന്ന കുഞ്ഞിക്കണ്ണൻ നാടകവേദിയില്‍ നിന്നാണ് സിനിമയില്‍ എത്തിയത്. ജാനകിയാണ് ഭാര്യ. ശ്രീജയ, ശ്രീകല, ശ്രീപ്രിയ എന്നിവർ മക്കളാണ്.