സൂപ്പർ ചലച്ചിത്രം ഗുരുവായൂർ അമ്ബലനടയുടെ വമ്ബൻ വിജയത്തിന് ശേഷം ബേസില്‍ ജോസഫ് നായകനായതാണ് നുണക്കുഴി. സംവിധാനം നിർവഹിച്ചതാകട്ടെ പ്രശസ്ത സംവിധായകൻ ജീത്തു ജോസഫും.
ഇത്തവണ ചിരിക്ക് പ്രാധാന്യം നല്‍കിയാണ് സംവിധായകൻ ജീത്തു ജോസസഫ് എത്തിയിരിക്കുന്നതെന്ന പ്രത്യേകതയുണ്ട് സിനിമക്ക്. ഇന്ത്യയില്‍ നുണക്കുഴി മികച്ച ഓപ്പണിംഗ് കളക്ഷനാണ് നേടിയിരിക്കുന്നത് എന്നാണ് നിലവിലെ റിപ്പോർട്ടുകള്‍ സൂചിപ്പിക്കുന്നത്.
അതേസമയം ഇന്ത്യയില്‍ നിന്ന് നുണക്കുഴി 1.7 കോടി രൂപയാണ് നേടിയിരിക്കുന്നത് എന്നാണ് പ്രമുഖ സിനിമ ട്രേഡ് അനലിസ്റ്റുകളാണ് സാക്നില്‍ക്കിന്റെ റിപ്പോർട്ട്. 2024ലെ സർപ്രൈസ് ഹിറ്റായ പ്രേമലു സിനിമ 90 ലക്ഷത്തോളമാണ് ഓപ്പണിങ് റിലീസിന് നേടിയത്. അങ്ങനെയിരിക്കെ ബേസില്‍ ജോസഫിന്റെ നുണക്കുഴി സിനിമയ്‍ക്ക് റിലീസിനെ മികച്ച പ്രതികരണമുള്ളതിനാല്‍ ആകെ കളക്ഷനില്‍ വൻ നേട്ടമുണ്ടാക്കാനാകും എന്നാണ് ഇപ്പോഴുള്ള പ്രതീക്ഷ. തിരക്കഥ കെ ആർ കൃഷ്‍ണകുമാറിന്റേതാണ്.
അതേസമയം രസകരമായ ഒട്ടേറെ ചിരി രംഗങ്ങളുമായാണ് സിനിമ പ്രേക്ഷകരുടെ പ്രിയം നേടുന്നതെന്നാണ് റിപ്പോർട്ട്. സിനിമയില്‍ ബേസില്‍ ജോസഫിന്റെ മാനറിസങ്ങളാണ് നുണക്കുഴി സിനിമയുടെ പ്രധാന ആകർഷണം. മുഴുനീളെ ആകാംക്ഷ നിറച്ച ചിരി രംഗങ്ങളാണ് ചിത്രത്തില്‍ എന്നതും ഒരു പ്രത്യേകതയാണ്. കോമഡിയിലെ ടൈമിംഗില്‍ മികവ് പ്രകടിപ്പിക്കുന്ന താരം ബേസില്‍ ജോസഫിന്റെ നുണക്കുഴി കുടുംബപ്രേക്ഷകരുടെ സിനിമയായും മാറുന്നു.
എന്നാല്‍ ചിത്രത്തിന് കൂടുതല്‍ ആകാംഷയുണ്ടാക്കി ബേസിലിനൊപ്പം ഗ്രേസ് ആന്റണിയും സിദ്ധിഖും ബൈജുവും മനോജ് കെ ജയനും അല്‍ത്താഫും സൈജു കുറുപ്പും ഒക്കെ ചിരിക്ക് കൂട്ടായെത്തുമ്ബോള്‍, ഇക്കുറി അജു വർഗീസ് അല്‍പം സീരിയസാണ്. സിനിമയുടെ ഉടനീളം ഒന്നിനൊന്ന് കോർത്തിണക്കി പോകുന്ന ചിരി രംഗങ്ങളില്‍ എല്ലാവരും മികച്ച പ്രകടനം നടത്തുന്നുവെന്നാണ് ചിത്രം കണ്ടവർ അഭിപ്രായപ്പെടുന്നതെന്നാണ് റിപ്പോർട്ട്. ചിത്രത്തിന്റെ ഛായാഗ്രാഹണം നിർവഹിച്ചിരിക്കുന്നത് സതീഷ് കുറുപ്പാണ്. റിപോർട്ടുകള്‍ അനുസരിച്ചു ഉത്സവകാലത്ത് ആർത്ത് ചിരിക്കാൻ വിഭവങ്ങളുള്ള ചിത്രമാണ് നുണക്കുഴി എന്നാണ് പ്രതികരണങ്ങള്‍.