കൊല്‍ക്കത്തയിലെ ആർജി കാർ മെഡിക്കല്‍ കോളേജ് ആശുപത്രിയിലെ വനിതാ ഡോക്ടറെ ക്രൂരമായ ബലാത്സംഗം ചെയ്ത് കൊലപ്പെടുത്തിയ കേസിലെ അന്വേഷണം സിബിഐ കൈമാറാൻ കൊല്‍ക്കത്ത ഹൈക്കോടതി ചൊവ്വാഴ്ച ഉത്തരവിട്ടു.
അതേസമയം ഈ കേസുമായി ബന്ധപെട്ടു ബുധനാഴ്ച പ്രതിഷേധങ്ങളും പണിമുടക്കുകളും ഉണ്ടായിരുന്നു . വിദേശ പൗരന്മാരും സ്‌പോണ്‍സർ ചെയ്‌ത ഉദ്യോഗാർത്ഥികളും, സഹപ്രവർത്തകരും ബിരുദധാരികളും ഉള്‍പ്പെടെയുള്ള എയിംസിലെ റസിഡൻ്റ് ഡോക്‌ടർമാർ, അക്കാദമിക് പ്രവർത്തനങ്ങള്‍ താല്‍ക്കാലികമായി നിർത്തിവയ്ക്കല്‍, തിരഞ്ഞെടുക്കപ്പെട്ട ഒപിഡികള്‍, വാർഡ്, ഒടി സേവനങ്ങള്‍ എന്നിവ ഉള്‍പ്പെടെയുള്ള സമരം തുടരും. എന്നിരുന്നാലും, എമർജൻസി സർവീസുകള്‍, ഐസിയു, എമർജൻസി നടപടിക്രമങ്ങള്‍, എമർജൻസി ഒടി എന്നിവ പ്രവർത്തനക്ഷമമായി തുടരുമെന്ന് ആർഡിഎ എയിംസ്, ന്യൂഡല്‍ഹി പ്രസ്താവനയില്‍ അറിയിച്ചു.
തുടർന്ന് ചൊവ്വാഴ്ച രാത്രി ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജി (ഐഐടി) ഖരഗ്പൂരിലെ വിദ്യാർത്ഥികള്‍ ചേർന്ന് ആർജി കാർ മെഡിക്കല്‍ കോളേജിലെ വനിതാ പിജി ട്രെയിനി ഡോക്ടറെ ബലാത്സംഗം ചെയ്ത് കൊലപ്പെടുത്തിയതിനെതിരെ റാലി നടത്തിയിരുന്നു