മാഹിയില്‍നിന്ന് കടത്തുകയായിരുന്ന 42 കുപ്പി വിദേശമദ്യവുമായി യുവാവിനെ വടകര എക്സൈസ് അറസ്റ്റ് ചെയ്തു. തളിപ്പറമ്ബ് പലയാട് മുട്ടത്തില്‍ മിഥുൻ (31) ആണ് അറസ്റ്റിലായത്.
ദേശീയപാതയില്‍ കുഞ്ഞിപ്പള്ളിയില്‍ എക്സൈസ് വാഹന പരിശോധന നടത്തുന്നതിനിടയിലാണ് സ്കൂട്ടറില്‍ കടത്തുകയായിരുന്ന മദ്യവുമായി പ്രതി വലയിലായത്.
ക്രിസ്മസ്-ന്യൂ ഇയർ സ്പെഷല്‍ ഡ്രൈവിന്റെ ഭാഗമായി വടകര എക്സൈസ് രണ്ടാഴ്ചക്കുള്ളില്‍ മദ്യം കടത്തിയ മൂന്ന് വാഹനങ്ങളും 400 ലിറ്ററോളം മാഹി വിദേശമദ്യവും പിടിച്ചെടുത്തിരുന്നു. അസിസ്റ്റന്റ് എക്സൈസ് ഇൻസ്‌പെക്ടർ ഗ്രേഡ് കെ. ജയരാജന്റെ നേതൃത്വത്തിലാണ് മദ്യം പിടികൂടിയത്. പരിശോധനയില്‍ പ്രിവന്റിവ് ഓഫിസർ ഗ്രേഡ് വി.സി. വിജയൻ, സിവില്‍ എക്സൈസ് ഓഫിസർമാരായ എം.പി. വിനീത്, കെ. മുഹമ്മദ്‌ റമീസ്, കെ.എം. അഖില്‍, ടി.പി. തുഷാര, ഡ്രൈവർ പി. രാജൻ എന്നിവർ പങ്കെടുത്തു.