10 കിലോ കഞ്ചാവുമായി യുവാവ് എക്സൈസ് സംഘത്തിന്റെ പിടിയിലായി. കൊടുങ്ങലൂർ ചെന്ത്രാപ്പിന്നി ചിന്നവീട്ടില്‍ നൗഫല്‍ (25) ആണ് പിടിയിലായത്.
ഒറ്റപ്പാലം റെയില്‍വേ സ്റ്റേഷനില്‍ ഇറങ്ങി നഗരസഭ ബസ് സ്റ്റാൻഡിന് പിന്നിലൂടെ പോകുന്ന റോഡിലൂടെ നടന്നുപോവുകയായിരുന്ന യുവാവിനെ കണ്ട് സംശയം തോന്നിയതിന്റെ അടിസ്ഥാനത്തില്‍ നടന്ന പരിശോധനയിലാണ് പിടിയിലായത്. ഇയാളുടെ ബാഗിലും ട്രോളി ബാഗിലും സൂക്ഷിച്ച നിലയിലായിരുന്നു കഞ്ചാവ് ശേഖരം. ഒഡിഷയില്‍നിന്നും വാങ്ങിയ കഞ്ചാവുമായി ട്രെയിൻ മാർഗം എറണാകുളത്തേക്ക് പോവുകയായിരുന്ന ഇയാള്‍ റെയില്‍വേ പൊലീസിന്റെ പരിശോധന ശ്രദ്ധയില്‍പെട്ടതിനെ തുടർന്ന് ഒറ്റപ്പാലം സ്റ്റേഷനിലിറങ്ങിയാതായിരുന്നു.
ഒറ്റപ്പാലം റേഞ്ച് എക്സൈസ് ഇൻസ്പെക്ടർ എ. വിപിൻദാസ്, അസിസ്റ്റന്റ് എക്സൈസ് ഇൻസ്പെക്ടർമാരായ (ഗ്രേഡ്) സുദർശനൻ നായർ, പി.വി. രാജേഷ് കുമാർ, പ്രിവന്റിവ് ഓഫിസർ ഗ്രേഡ്) വി. ദേവകുമാർ, സിവില്‍ എക്സൈസ് ഓഫിസർമാരായ പി. ഹരീഷ്, എം. മുഹമ്മദ് ഫിറോസ്, ജാക്സണ്‍ സണ്ണി, എക്സൈസ് ഡ്രൈവർ കെ.ജെ ലൂക്കോസ് എന്നിവരടങ്ങിയ സംഘമാണ് ഇയാളെ പിടികൂടിയത്. കോടതി ഇയാളെ റിമാൻഡ് ചെയ്‌തു.