സീബ്രാലൈനുകളില്‍ കാല്‍നടക്കാരെ പരിഗണിക്കാതെ വാഹന ഡ്രൈവർമാർ. ടൗണിലെ എല്ലാ ലൈനുകളിലും കാല്‍നടക്കാർക്കിടയിലൂടെ വാഹനം ഓടിച്ചു പോകുന്നതായി നാട്ടുകാർ പറയുന്നു.ആളുകള്‍ ഭാഗ്യത്തിനാണ് പരിക്കേല്‍ക്കാതെ രക്ഷപ്പെടുന്നത്.
ഏറ്റവും തിരക്കുള്ള ഗവ. ആശുപത്രിക്കുമുന്നിലെ ലൈനിലൂടെ നടന്നു പോകുന്ന രോഗികള്‍ അടക്കം പേടിയോടെയാണ് റോഡ് മുറിച്ചു കടക്കുന്നത്.
പ്രായമായവർക്കും മറ്റും ധൈര്യമില്ലാത്തതിനാല്‍ എല്ലാ വാഹനങ്ങളും കടന്നു പോകാൻ കാത്തിരിക്കുന്നതുകാണാം. എന്നാല്‍, കുറ്റ്യാടി പ്രധാന കവലയില്‍ സീബ്രാലൈനില്ലെങ്കിലും റോഡ് മുറിച്ചുകടക്കുന്നവരെ ഹോം ഗാർഡ് സഹായിക്കുന്നതു കാണാം. നേരത്തെ ഇവിടെ ലൈൻ ഉണ്ടായിരുന്നെങ്കിലും പൊതുമരാമത്ത്, പൊലീസിന്റെ നിർദേശ പ്രകാരം ഇവിടെയുള്ള ലൈൻ കോഴിക്കോട് റോഡില്‍ ടാക്സി സ്റ്റാൻഡിനു സമീപത്തേക്ക് മാറ്റുകയാണുണ്ടായത്.