ദേശീയ പാഠ്യപദ്ധതി ചട്ടക്കൂട് (എൻസിഎഫ്‌എസ്‌ഇ) ശുപാർശ ചെയ്യുന്ന പ്രകാരം വർഷത്തില്‍ രണ്ടുതവണ ബോർഡ് പരീക്ഷകള്‍ നടത്താനുള്ള പദ്ധതിക്ക് അനുസൃതമായി, ജൂണ്‍ മുതല്‍ 12-ാം ക്ലാസ് വിദ്യാർത്ഥികള്‍ക്കായി രണ്ടാമത്തെ സെൻട്രല്‍ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്‌ഇ) പരീക്ഷ ഷെഡ്യൂള്‍ ചെയ്യാൻ സർക്കാർ ആലോചിക്കുന്നു.
നിലവില്‍, ഫെബ്രുവരി-മാർച്ച്‌ മാസങ്ങളിലാണ് പന്ത്രണ്ടാം ക്ലാസ് വിദ്യാർഥികളുടെ ബോർഡ് പരീക്ഷ. മെയ്യില്‍ ഫലപ്രഖ്യാപനം വന്ന ശേഷം ജൂലൈയില്‍ സപ്ലിമെന്ററി പരീക്ഷ വഴി ഒരു വിഷയത്തില്‍ പ്രകടനം മെച്ചപ്പെടുത്താനുള്ള അവസരവും വിദ്യാർഥികള്‍ക്കുണ്ട്. ഈ വർഷത്തെ സപ്ലിമെന്റെറി പരീക്ഷകള്‍ കഴിഞ്ഞ 15-നാണ് നടന്നത്.
എന്നാല്‍, പുതിയ ദേശീയ വിദ്യാഭ്യാസ നയം വിദ്യാർത്ഥികള്‍ക്ക് കൂടുതല്‍ അവസരങ്ങള്‍ നല്‍കുന്നതിന് ദ്വൈവാർഷിക ബോർഡ് പരീക്ഷകള്‍ നിർദ്ദേശിക്കുന്നു. ഇതിന് അനുസൃതമായി, 2026 മുതല്‍ പ്രതിവർഷം രണ്ട് ബോർഡ് പരീക്ഷകള്‍ നടത്തുന്നതിനുള്ള നിർദ്ദേശം തയ്യാറാക്കാൻ വിദ്യാഭ്യാസ മന്ത്രാലയം സിബിഎസ്‌ഇയോട് ആവശ്യപ്പെട്ടു.
രണ്ട് ബോർഡുകളുള്ള പരീക്ഷാ സമ്ബ്രദായത്തിന്റെ അന്തിമ രൂപം സർക്കാർ ഇനിയും തീരൂമാനിച്ചിട്ടില്ല. 12-ാം ക്ലാസ് വിദ്യാർത്ഥികള്‍ ഒരു വിഷയത്തില്‍ മാത്രം ‘പ്രകടനം മെച്ചപ്പെടുത്തുന്നതിന് സപ്ലിമെന്ററി പരീക്ഷ നടത്തുന്ന നിലവിലെ സമ്ബ്രദായത്തിന് പകരം, ജൂണ്‍ മാസത്തില്‍ അവർക്ക് ഇഷ്ടമുള്ള ഏതെങ്കിലും അല്ലെങ്കില്‍ എല്ലാ വിഷയങ്ങളിലും അവരുടെ പരീക്ഷകള്‍ വീണ്ടും എഴുതാനുള്ള ഓപ്ഷൻ ഉണ്ടായിരിക്കും. രണ്ടാം സെറ്റ് പരീക്ഷകള്‍ നടത്താൻ സിബിഎസ്‌ഇയ്ക്ക് ഏകദേശം 15 ദിവസവും ഈ ഓപ്ഷൻ പ്രകാരം ഫലം പ്രഖ്യാപിക്കാൻ ഒരു മാസവും വേണ്ടിവരും. രണ്ടാം ബോർഡ് പരീക്ഷയുടെ ഫലം ഓഗസ്റ്റിലാകും പ്രഖ്യാപിക്കുക.