ദേശീയപാതയില്‍ ചുവട്ട് പാടത്തിനു സമീപം ലോറിക്കു പിന്നില്‍ ബൈക്കിടിച്ചുണ്ടായ അപകടത്തില്‍ പരുക്കേറ്റ് ചികിത്സയിലായിരുന്ന യുവതിയും മരിച്ചു.
കോട്ടയം ചങ്ങനാശേരി പെരുമ്ബനച്ചി വെള്ളിപറമ്ബില്‍ വീട്ടില്‍ ഇവിയോണ്‍ (25) ആണ് മരിച്ചത്. തൃശൂരിലെ സ്വകാര്യ ആശുപത്രിയില്‍ ചികിത്സയിലിരിക്കെ വെള്ളിയാഴ്ച വൈകിട്ടാണ് മരിച്ചത്. അപകടത്തില്‍ കോട്ടയം പാമ്ബാടി പൂരപ്ര പുളിയുറുമ്ബില്‍ വീട്ടില്‍ സനല്‍ (25) നേരത്തെ മരിച്ചിരുന്നു.
വെള്ളിയാഴ്ച പുലര്‍ച്ചെ ഒരുമണിയോടുകൂടി വടക്കഞ്ചേരി – മണ്ണുത്തി ദേശീയപാതയില്‍ ചുവട്ട് പാടത്തിന് സമീപമാണ് അപകടം നടന്നത്. ബെംഗളൂരുവില്‍ വിഡിയോ എഡിറ്ററായ സനല്‍ സുഹൃത്ത് ഇവിയോണുമൊത്ത് ബെംഗളൂരുവിലേക്ക് പോകുന്നതിനിടെയാണ് അപകടം സംഭവിച്ചത്. മുന്നില്‍ പോവുകയായിരുന്ന ലോറി പെട്ടെന്ന് നിര്‍ത്തിയപ്പോള്‍ നിയന്ത്രണം തെറ്റിയ ബൈക്ക് ലോറിക്കു പുറകില്‍ ഇടിക്കുകയായിരുന്നു. ഉടന്‍ തന്നെ ഇരുവരെയും തൃശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും സനല്‍ മരിച്ചിരുന്നു. വടക്കഞ്ചേരി പൊലീസ് കേസെടുത്തു.