പരാഗ്വേയ്ക്കും പെറുവിനും എതിരായ അർജൻ്റീനയുടെ ലോകകപ്പ് യോഗ്യതാ മത്സരങ്ങളില്‍ നിന്ന് ലിസാൻഡ്രോ മാർട്ടിനെസ് വിട്ടുനില്‍ക്കും.
26 കാരനായ ഡിഫൻഡറിന് പരിക്കാണെന്ന് അർജന്റീന സ്ഥിരീകരിച്ചു. താരം മാഞ്ചസ്റ്ററിലേക്ക് തിരികെ പോയി തുടർ ചികിത്സ നടത്തും.
നിക്കോളാസ് ഗോണ്‍സാലസ്, ജർമൻ പെസെല്ല എന്നിവരും പരിക്കുമൂലം പുറത്തായിരിക്കുകയാണ്. ഇത് അർജൻ്റീനയുടെ സ്ക്വാഡിനെ ബാധിക്കും.
വ്യാഴാഴ്ച പരാഗ്വായെയും ചൊവ്വാഴ്ച പെറുവിനെയും ആണ് ഈ ഇന്റർ നാഷണല്‍ ബ്രേക്കില്‍ അർജന്റീന നേരിടുന്നത്. ലിസാൻഡ്രോക്ക് പകരക്കാരനായി ഫചുണ്ടോ മദീനയെ അർജന്റീന ടീമിലേക്ക് വിളിച്ചിട്ടുണ്ട്.