ഷറഫുദ്ദീൻ, ഐശ്വര്യ ലക്ഷ്മി എന്നിവർ പ്രധാനവേഷത്തില്‍ എത്തുന്ന ‘ഹലോ മമ്മി’ നവംബർ 21ന് തിയറ്ററുകളില്‍ എത്തും.
നവാഗതനായ വൈശാഖ് എലൻസാണ് ചിതത്തിന്റെ സംവിധായകൻ. ഹാങ്ങ് ഓവർ ഫിലിംസും എ ആൻഡ് എച്ച്‌ എസ് പ്രൊഡക്ഷനും ചേർന്ന് ഒരുക്കുന്ന ചിത്രം കേരളത്തില്‍ വിതരണത്തിന് എത്തിക്കുന്നത് ഡ്രീം ബിഗ് പിക്ച്ചേഴ്സ് ആണ്.
ഫാന്റസി കോമഡി ജോണറില്‍ എത്തുന്ന ചിത്രത്തിന്റെ കഥയും തിരക്കഥയും ഒരുക്കുന്നത് സാൻജോ ജോസഫ് ആണ്. ഹിന്ദി ചലച്ചിത്രങ്ങളിലൂടെയും ആസ്പിരന്റ്സ്, ദി ഫാമിലി മാൻ തുടങ്ങിയ വെബ്സീരീസുകളിലൂടെയും ശ്രദ്ധേയനായ സണ്ണി ഹിന്ദുജ പ്രധാനവേഷത്തില്‍ അഭിനയിക്കുന്ന ആദ്യ മലയാളചിത്രം കൂടിയാണ് ‘ഹലോ മമ്മി’.
ജേക്സ് ബിജോയ് ആണ് ഹലോ മമ്മിയുടെ സംഗീതസംവിധാനം നിർവ്വഹിക്കുന്നത്. അജു വർഗീസ്, ജഗദീഷ്, ജോണി ആന്റണി, ജോമോൻ ജ്യോതിർ, ബിന്ദു പണിക്കർ, അദ്രി ജോ, ശ്രുതി സുരേഷ്, ഗംഗാ മീരാ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
ജോമിൻ മാത്യു, ഐബിൻ തോമസ്, രാഹുല്‍ ഇഎസ് എന്നിവരാണ് ചിത്രം നിർമിക്കുന്നത്. സജിൻ അലി, നിസാർ ബാബു, ദിപൻ പട്ടേല്‍ എന്നിവരാണ് ചിത്രത്തിന്റെ സഹ നിർമാതാക്കള്‍. സന്തോഷ് ശിവന്റെ അസോസിയേറ്റ് ആയിരുന്ന പ്രവീണ്‍ കുമാറാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. ചമൻ ചാക്കോയാണ് ചിത്രത്തിന്റെ എഡിറ്റർ.
ക്രിയേറ്റിവ്‌ ഡയറക്റ്റർ: രാഹുല്‍ ഇഎസ്. എക്സിക്യൂട്ടീവ് പ്രൊഡ്യൂസർ: ബിജേഷ് താമി. പ്രൊഡക്ഷൻ കണ്‍ട്രോളർ: പ്രശാന്ത് നാരായണൻ. വസ്ത്രാലങ്കാരം: സമീറാ സനീഷ്. മേക്കപ്പ്: റോണക്സ് സേവ്യർ. പ്രൊഡക്ഷൻ ഡിസൈൻ: സാബു മോഹൻ. ഗാനരചന: മു. രി, സുഹൈല്‍ കോയ. സൗണ്ട് ഡിസൈൻ: സിങ്ക് സിനിമ. ചീഫ് അസോസിയേറ്റ്: വിശാഖ് ആർ വാരിയർ. വിഎഫ്‌എക്സ്: പിക്റ്റോറിയല്‍ എഫ്‌എക്‌സ്. ഫൈറ്റ്സ്: കലൈ കിങ്സണ്‍, പിസി സ്റ്റണ്ട്സ്. കൊറിയോഗ്രാഫി: ഷെരീഫ്. സ്റ്റില്‍സ്: അമല്‍ സി സദർ., ഡിസൈൻ: ടെൻ പോയിന്റ്. കളറിസ്റ്റ്: ഷണ്മുഖ പാണ്ഡ്യൻ എം. പിആർഒ: പ്രതീഷ് ശേഖർ. മാർക്കറ്റിങ് സ്ട്രാറ്റജിസ്റ്റ്‌സ്: വൈശാഖ് സി വടക്കേവീട്. ജിനു അനില്‍കുമാർ.