മദ്യലഹരിയില്‍ കെ.എസ്.ആര്‍.ടി.സി. ബസ് ഓടിക്കാന്‍ ശ്രമിച്ച യുവാവ് പിടിയില്‍. യാക്കര സ്വദേശിയായ അഫ്‌സലിനെയാണ് പൊലീസ് പിടികൂടിയത് .
സ്റ്റാന്‍ഡില്‍ നിര്‍ത്തിയിട്ടിരുന്ന കെ.എസ്.ആര്‍.ടി.സി. ബസില്‍ കയറിയ യുവാവ് ഡ്രൈവിങ് സീറ്റില്‍ ഇരിക്കുകയും വണ്ടി സ്റ്റാര്‍ട്ടാക്കി മുന്നോട്ടെടുക്കാന്‍ ശ്രമിക്കുകയുമായിരുന്നു.
സംഭവം ശ്രദ്ധയില്‍പെട്ട യാത്രക്കാരും നാട്ടുകാരും കെ.എസ്.ആര്‍.ടി.സി. ജീവനക്കാരും ചേര്‍ന്നാണ് ഇയാളെ തടഞ്ഞുവെച്ചത്. തുടർന്ന് പൊലീസ് എത്തി. ഏറെനേരം സംസാരിച്ച്‌ അനുനയിപ്പിച്ചാണ് യുവാവിനെ പുറത്തിറക്കിയത്.