പാക്കിസ്ഥാനില്‍ പോളിയോ വാക്സിൻ വിതരണക്കാരുടെ വാഹനത്തെ ലക്ഷ്യമിട്ട സ്ഫോടനം. പൊട്ടിത്തെറിയില്‍ മൂന്നു സുരക്ഷാഭടന്മാർ കൊല്ലപ്പെട്ടു.
ഖൈബർ പക്തൂണ്‍ഖ്വാ പ്രവിശ്യയിലെ ദേര ഇസ്മയില്‍ഖാനില്‍ ചൊവ്വാഴ്ചയായിരുന്നു സംഭവം. വാക്സിൻ പ്രവർത്തകർ കയറിയ സുരക്ഷാഭടന്മാരുടെ വാഹനം സ്ഫോടനത്തില്‍ തകരുകയായിരുന്നു. ആക്രമണത്തിന്‍റെ ഉത്തരവാദിത്വം ആരും ഏറ്റിട്ടില്ല.
തിങ്കളാഴ്ചയാണ് പാക്കിസ്ഥാനിലുടനീളം, ഒരാഴ്ച നീളുന്ന തുള്ളിമരുന്നു വിതരണം ആരംഭിച്ചത്. അന്നുതന്നെ ഖൈബർ പക്തൂണ്‍ഖ്വായില്‍ ഒരു വാക്സിൻ പ്രവർത്തകനും പോലീസുകാരനും വെടിയേറ്റു മരിച്ചിരുന്നു.