മുൻ കണ്ണൂർ എ.ഡി.എം കെ.നവീൻ ബാബുവിൻ്റെ മരണത്തിലേക്ക് നയിച്ച കൈക്കൂലി ആരോപണവുമായി ബന്ധപ്പെട്ട് ടി വി പ്രശാന്തൻ്റെ പരാതി മുഖ്യമന്ത്രിയുടെ പരാതി പരിഹാര സെല്ലിന് ലഭിച്ചിട്ടില്ലെന്ന് മുഖ്യമന്ത്രിയുടെ ഓഫീസ്ഇരിക്കൂർ മണ്ഡലം മുസ്ലിം ലീഗ് ജനറല്‍ സെക്രട്ടറി ടി എൻ എ ഖാദർ നല്‍കിയ വിവരാവകാശ നിയമപ്രകാരമുള്ള ചോദ്യത്തിനാണ് ഈ മറുപടി ലഭിച്ചത്. നേരത്തെ നവീൻ ബാബു മരിച്ചതിനെ തുടർന്നുണ്ടായ വിവാദങ്ങളില്‍ തന്നോട് 98,500 രൂപ കൈക്കൂലി വാങ്ങിയെന്ന ആരോപണവുമായി ടിവി പ്രശാന്തൻ രംഗത്തുവന്നിരുന്നു. മുഖ്യമന്ത്രിക്ക് പരാതി നല്‍കിയതിൻ്റെ പകർപ്പും ഇദ്ദേഹം മാധ്യമങ്ങള്‍ക്ക് നല്‍കിയിരുന്നു. എന്നാല്‍ ഈ പരാതിയില്‍ പേരുകളും ഒപ്പും തമ്മില്‍ വ്യത്യാസമുണ്ടായത് വിവാദമായിരുന്നു.