ഇന്ന് ചെറുപ്പക്കാർ പോലും നേരിടുന്ന വലിയ സൗന്ദര്യ പ്രശ്നമാണ് മുടി നരയ്ക്കുന്നത്. കാലാവസ്ഥയിലെ മാറ്റം മുതല്‍ ശാരീരിക പ്രശ്നങ്ങളും മാനസിക സമ്മർദ്ദവുമെല്ലാം അകാലനരയുടെ കാരണങ്ങളായി പറയാറുണ്ട്.
മുടിയുടെ കറുപ്പ് നിറം നിലനിർത്താനായി പലരും കെമിക്കല്‍ ഡൈയെ ആണ് ആശ്രയിക്കുന്നത്. എന്നാല്‍, ദീർഘനാള്‍ ഇവ ഉപയോഗിക്കുന്നത് മറ്റുപല ആരോഗ്യ – സൗന്ദര്യ പ്രശ്നങ്ങള്‍ക്കും കാരണമാകാറുണ്ട്.
നര മാറാൻ മിനിറ്റുകള്‍ കൊണ്ട് വീട്ടില്‍ തന്നെ തയ്യാറാക്കാൻ കഴിയുന്ന ഒരു ഡൈ പരിചയപ്പെടാം.
ആവശ്യമായ സാധനങ്ങള്‍
- ഉലുവ – 1 ടേബിള്‍സ്‌പൂണ്‍
- കരിംജീരകം – 1 ടേബിള്‍സ്‌പൂണ്‍
- ബദാം – 4 എണ്ണം
- തേങ്ങ ചിരകിയത് – 2 ടേബിള്‍സ്‌പൂണ്‍
തയ്യാറാക്കുന്ന വിധം
ചേരുവകളെല്ലാം ഇരുമ്ബ് ചീനച്ചട്ടിയിലിട്ട് നന്നായി വറുത്ത് കരിച്ചെടുക്കണം. തണുക്കുമ്ബോള്‍ ഇതിനെ അരച്ചെടുക്കുക. ഇതിലേക്ക് അല്‍പ്പം കറ്റാർവാഴ ജെല്‍ ചേർത്ത് നന്നായി യോജിപ്പിച്ച്‌ ഡൈ രൂപത്തിലാക്കി ഒരു രാത്രി മുഴുവൻ ഇരുമ്ബ് ചീനച്ചട്ടിയില്‍ അടച്ച്‌ സൂക്ഷിക്കുക. തയ്യാറാക്കിയ മിശ്രിതം പിറ്റേദിവസം എണ്ണമയം ഒട്ടുമില്ലാത്ത മുടിയില്‍ പുരട്ടി ഒന്നോ രണ്ടോ മണിക്കൂറിന് ശേഷം കഴുകി കളയാവുന്നതാണ്. കഴുകുമ്ബോള്‍ ഷാംപൂ ഉപയോഗിക്കാൻ പാടില്ല. ഡൈ മാത്രമല്ല, നിങ്ങള്‍ ഭക്ഷണത്തില്‍ നെല്ലിക്ക, മുരിങ്ങയില, കറിവേപ്പില എന്നിവ ഉള്‍പ്പെടുത്തുന്നതും നല്ലതാണ്. ഇത് വളരെ പെട്ടെന്ന് തന്നെ നര മാറ്റാൻ സഹായിക്കും.