നടി ഹണി റോസിന്റെ ലൈംഗിക അധിക്ഷേപ പരാതിയില്‍ പ്രമുഖ വ്യവസായി ബോബി ചെമ്മണ്ണൂർ അറസ്റ്റിലായതും അതുമായി ബന്ധപ്പെട്ടുളള ചർച്ചകളുമാണ് ഇപ്പോള്‍ വാർത്തകളില്‍ നിറയുന്നത്.
ഹണി റോസിന്റെ ഇത്തരത്തിലുളള പ്രതികരണത്തിനെ അഭിനന്ദിച്ച്‌ നിരവധിയാളുകളും രംഗത്തെത്തി. ഇപ്പോഴിതാ നടനും സംവിധായകനുമായ ആലപ്പി അഷ്‌റഫ് ഹണി റോസിന്റെ വസ്ത്രധാരണരീതിയെക്കുറിച്ച്‌ ചില കാര്യങ്ങള്‍ തുറന്നുപറഞ്ഞിരിക്കുകയാണ്. അദ്ദേഹം യൂട്യൂബ് ചാനലിലൂടെയാണ് ഇക്കാര്യങ്ങള്‍ വ്യക്തമാക്കിയിരിക്കുന്നത്.
‘പണ്ടൊക്കെ വസ്ത്രധാരണം സംസ്‌കാരത്തിന്റെ ഭാഗമായിരുന്നു. പുതുതലമുറയ്ക്ക് വസ്ത്രം ഇന്ന് സ്വാതന്ത്ര്യത്തിന്റെ അടയാളമാണ്. ഏത് വേഷം ധരിക്കണമെന്നത് അവരുടെ സ്വാതന്ത്ര്യവുമാണ്. പാശ്ചാത്യ സംസ്‌കാരം നമ്മുടെ വസ്ത്രത്തെയും ഭക്ഷണത്തെയും ഭാഷയെയും കയ്യടക്കിയിരിക്കുകയാണ്. പണ്ടൊക്കെ കീറിയ വസ്ത്രങ്ങള്‍ തുന്നിച്ചേർത്ത് ഉപയോഗിക്കുമായിരുന്നു. ഇന്ന് തുന്നിയ വസ്ത്രങ്ങള്‍ ഫാഷന്റെ പേരില്‍ കീറി ഉപയോഗിക്കുന്നു.
ഒരു പ്രമുഖ നടന്റെ നാല് പെണ്‍മക്കള്‍ അവർക്ക് ഇഷ്ടപ്പെട്ട വസ്ത്രങ്ങള്‍ ധരിച്ച്‌ വിവിധ ചിത്രങ്ങള്‍ സോഷ്യല്‍ മീഡിയയില്‍ പോസ്റ്റ് ചെയ്യുകയുണ്ടായി. ആ പോസ്റ്റുകള്‍ക്ക് വന്ന കമന്റുകള്‍ ഞാൻ വായിക്കുകയുണ്ടായി. അമ്മയെക്കൂടി ഇത്തരത്തിലുളള വസ്ത്രങ്ങള്‍ ധരിപ്പിച്ചൂടായിരുന്നോയെന്നായിരുന്നു ചില വിവരദോഷികള്‍ ചോദിച്ചത്. ഒരു പക്ഷെ ആ കൂടുംബം ഇതുപോലുളള കമന്റുകളെ അവഗണിച്ച്‌ കാണും. ഇത്തരം വിട്ടുവീഴ്ചകളാണ് ഞരമ്ബുരോഗികള്‍ക്ക് വളമായത്. ചില മാളുകളില്‍ യുവതികളും സ്ത്രീകളും ധരിച്ചെത്തുന്ന വസ്ത്രങ്ങള്‍ കണ്ട് ഞാൻ അതിശയിച്ചിട്ടുണ്ട്.
ഇതിനിടയിലാണ് ഹണി റോസിന്റെ വസ്ത്രധാരണം ശരിയല്ലെന്ന് ചിലർ മുറവിളി കൂട്ടുന്നത്. നടി നഗ്നത പ്രദർശിപ്പിച്ച്‌ ഉദ്ഘാടനത്തിന് പോയത് ഞാൻ കണ്ടിട്ടില്ല. കുറച്ച്‌ കാലം മുൻപ് തൊപ്പി എന്നൊരു യൂട്യൂബർ കാണിച്ച കോപ്രായങ്ങളൊന്നും നിങ്ങള്‍ മറന്നിട്ടുണ്ടാകില്ല. ഭക്ഷണത്തെ ബഹുമാനിച്ച്‌ കഴിക്കണമെന്നതാണ് നമ്മുടെ സംസ്‌കാരം. എന്നാല്‍ തൊപ്പി എന്താണ് ചെയ്തത്. ഭക്ഷണം അടിവസ്ത്രത്തില്‍ ഇട്ടതിനുശേഷം കഴിക്കുന്നു. കുറേഭക്ഷണം നിലത്തിട്ട് ചവിട്ടി മെതിക്കുന്നു. കൂടാതെ അറപ്പുളവാക്കുന്ന അശ്ലീല ആംഗ്യങ്ങള്‍ സോഷ്യല്‍ മീഡിയയിലൂടെ കാണിക്കുന്നു. അങ്ങനെയുളളവനെയും സെലിബ്രിറ്റി എന്ന വിശേഷണം നല്‍കി ഉദ്ഘാടനങ്ങളില്‍ വിളിക്കുന്നു. ലക്ഷകണക്കിനാളുകളാണ് അയാളുടെ ആരാധകർ. ഇതൊക്കെ അവരുടെ സ്വാതന്ത്ര്യമല്ലേ? ഈ നാറ്റക്കേസുകളെയും പുതുതലമുറയുടെ മാറ്റമായി നാം കാണേണ്ടതുണ്ടോ?
ഹണി റോസിന്റെ ഭാഗത്ത് നിന്ന് അശ്ലീല ആംഗ്യമോ സംസാരമോ ഇതുവരെയായിട്ടും ഉണ്ടായിട്ടില്ല. അവരുടെ അംഗലാവണ്യവും നിതംബവുമാണ് ഞരമ്ബൻമാരുടെ പ്രധാന പ്രശ്നം. ഹണി റോസിനെ കുറ്റം പറയുന്നവർ പുതുതലമുറയിലേക്ക് ഒന്ന് കണ്ണോടിക്കുന്നത് നന്നായിരിക്കും. അല്‍പവസ്ത്രധാരികളായി നടക്കാനാണ് ഇപ്പോഴത്തെ പെണ്‍കുട്ടികള്‍ക്ക് താല്‍പര്യം. അവർ നഗ്നത മറയ്ക്കുന്നുമുണ്ട്. അല്‍പവസ്ത്രത്തെക്കുറിച്ച്‌ ചോദിച്ചപ്പോള്‍ ഒരു പെണ്‍കുട്ടി സോഷ്യല്‍ മീഡിയയിലൂടെ പറയുന്നു, തുണിയും ലാഭം കാറ്റും കയറുമെന്ന്. അതാണ് അവർക്ക് ഇഷ്ടമെങ്കില്‍ അവർ നന്നായി കാറ്റുകൊളളട്ടെ. അതിന് അവരുടെ കുടുംബക്കാരെയും അച്ഛനെയും അമ്മയെയും അധിക്ഷേപിക്കേണ്ട കാര്യമുണ്ടോ?
നടിയായ സണ്ണി ലിയോണി കേരളത്തില്‍ എത്തിയപ്പോള്‍ ലക്ഷകണക്കിനാളുകളാണ് അവരെ കാണാനായി തടിച്ചുകൂടിയത്. അവിടെ ആളുകള്‍ എത്തിയത് സണ്ണി ലിയോണിയുടെ പ്രസംഗം കേള്‍ക്കാൻ അല്ലല്ലോ. അവർ സിനിമകളിലൂടെ പ്രദർശിപ്പിച്ച മാതഗഭംഗി നേരില്‍ കണ്ട് ആസ്വദിക്കാനാണ്. അവരുടെ വസ്ത്രധാരണം മോശമാണെന്ന് ഒരു സദാചാരവാദികളും പറയുന്നത് കേട്ടില്ല. അവർക്കുപകരം മലയാളത്തിലെ ഏതെങ്കിലും ലേഡി സൂപ്പർസ്റ്റാറായിരുന്നെങ്കില്‍ ആയിരം പേരെങ്കിലും തികച്ച്‌ എത്തുമായിരുന്നോ? ഇത്തരത്തില്‍ ഉയരുന്ന സൈബർ ആക്രമണങ്ങളില്‍ കൃത്യസമയത്ത് പ്രതികരിച്ചെങ്കില്‍ പ്രശ്നം രൂക്ഷമാകും. അതുകൊണ്ട് പ്രതികരിക്കേണ്ട സ്ഥലത്ത് കൃത്യമായി പ്രതികരിക്കുക’- അഷ്‌റഫ് പറഞ്ഞു.