ഹോട്ടലില്‍ തീപിടിത്തം. നൈഫിലാണ് സംഭവം. രണ്ട് പേർ മരിച്ചു. മരിച്ചവരെ തിരിച്ചറിഞ്ഞിട്ടില്ല. തീപിടിത്തത്തെ തുടർന്നുണ്ടായ പുക ശ്വസിച്ചാണ് മരണമെന്ന് ദുബായ് മീഡിയ ഓഫീസ് അറിയിച്ചു.
തീപിടിത്തത്തിന്റെ വിവരം ലഭിച്ച ഉടൻ ദുബായ് സിവില്‍ ഡിഫൻസ് സ്ഥലത്തെത്തി തീയണയ്‌ക്കുകയായിരുന്നു. കെട്ടിടത്തിലുണ്ടായിരുന്നവരെയെല്ലാം ഒഴിപ്പിച്ചു. ജനറല്‍ ഡയറക്ടറേറ്റ് ഓഫ് സിവില്‍ ഡിഫൻസ് മരിച്ചവരുടെ കുടുംബങ്ങളെ അനുശോചനം അറിയിച്ചു. തീപിടിത്തത്തിന്റെ കാരണം വ്യക്തമല്ല.