കൊടകര വട്ടേക്കാട് വീട് കയറി ആക്രമണത്തില്‍ രണ്ടുപേർ കുത്തേറ്റ് മരിച്ചു. കല്ലിങ്ങപ്പുറം വീട്ടില്‍ സുജിത്ത് (29), മഠത്തില്‍ പറമ്ബില്‍ അഭിഷേക് (28) എന്നിവരാണ് മരിച്ചത്.
ഇന്നലെ രാത്രി 11.30 ഓടെയായിരുന്നു സംഭവം.
അഭിഷേക്, ഹരീഷ്, വിവേക്, എന്നിവരാണ് സുജിത്തിന്റെ വീട്ടില്‍ ആക്രമണം നടത്തിയത്. വിവേകിനെ 4 കൊല്ലം മുമ്ബ് ക്രിസ്മസ് രാത്രിയില്‍ സുജിത്ത് കുത്തിയിരുന്നു. അതിന്റെ പ്രതികാരമായാണ് ഇന്നലെ സുജിത്തിന്റെ വീട്ടില്‍ സംഘം എത്തിയത്. കുത്തേറ്റ സുജിത്ത് പ്രതിരോധിക്കുന്നതിനിടെ ആക്രമിക്കാനെത്തിയ അഭിഷേകിനും പരുക്കേല്‍ക്കുകയായിരുന്നു. സംഭവത്തില്‍ പോലീസ് കൂടുതല്‍ അന്വേഷണം നടത്തിവരികയാണ്.