പെരിന്തല്‍മണ്ണയില്‍ സ്കൂട്ടറില്‍ പോകുകയായിരുന്ന ജ്വല്ലറി ഉടമയെ ആക്രമിച്ച്‌ മൂന്നര കിലോ സ്വർണ്ണം കവർന്ന കേസില്‍ 4 പേർ പിടിയില്‍.
തൃശൂർ, കണ്ണൂർ സ്വദേശികളാണ് പിടിയിലായത്. ഇവരെ തൃശൂർ ഈസ്റ്റ് പൊലീസ് ചോദ്യം ചെയ്തുവരികയാണ്.സ്വർണം ഇവരുടെ കൈവശമില്ല.അഞ്ച് പേർ കൂടി സംഘത്തിലുണ്ടെന്നാണ് വിവരം. സ്കൂട്ടറില്‍ പോകുകയായിരുന്ന എം കെ ജ്വല്ലറി ഉടമ യൂസഫിനെയും സഹോദരൻ ഷാനവാസിനെയും പിന്തുടർന്നാണ് കാറിലുളള സംഘം സ്വർണ്ണം കവർന്നത്.ഇന്നലെ രാത്രി 9 മണിയോടെയാണ് സംഭവമുണ്ടായത്‌ഇന്ന് പുലർച്ചെയാണ് പ്രതികളെ പിടികൂടിയത്.പിടികൂടുന്നതിനിടെ പൊലീസുകാരെ പ്രതികള്‍ ആക്രമിച്ചു.
കൃത്യമായ ആസൂത്രണത്തോടെയാണ് സംഘം പ്രവർത്തിച്ചത്. വീട്ടിലെത്തുന്നതിന് ഏതാനും മിനിറ്റുകള്‍ മുമ്ബാണ് ആക്രമണമുണ്ടായത്. സ്കൂട്ടർ ഇടിച്ച്‌ വീഴ്ത്തി, നിലത്ത് വീണവരുടെ മുഖത്തേക്ക് മുളക് സ്പ്രേ അടിച്ചു. അതിന് ശേഷം കൈവശമുണ്ടായിരുന്ന സ്വർണ്ണമടങ്ങിയ ബാഗും സ്കൂട്ടറിന്റെ ഡിക്കിയിലുണ്ടായിരുന്ന ബാഗും കൊളളയടിക്കുകയായിരുന്നു. നാല് പേരാണ് വാഹനത്തിലുളള തെന്നാണ് ജ്വല്ലറി ഉടമ പറയുന്നത്.