ഗുരുവായൂർ ദേവസ്വം ചെമ്ബൈ സംഗീതോത്സവം നവംബർ 27 മുതല്‍ ഡിസംബർ 11 വരെ നടക്കും. സംഗീതോല്‍സവത്തില്‍ പങ്കെടുക്കാനുള്ള ഓണ്‍ലൈൻ രജിസ്ട്രേഷൻ ആരംഭിച്ചു.
സുവർണ്ണ ജൂബിലി നിറവിലാണ് ഇത്തവണ ചെമ്ബൈ സംഗീതോത്സവം. സംഗീതാർച്ചനയില്‍ പങ്കെടുക്കാൻ മിനിമം അഞ്ചു വർഷമെങ്കിലും കർണാടക സംഗീതം പഠിച്ചിരിക്കണം. അറിവുള്ള പത്തു കൃതികള്‍ അപേക്ഷയില്‍ കാണിക്കണം. ഇവയില്‍ ദേവസ്വം തെരഞ്ഞെടുക്കുന്ന കൃതി അഞ്ച് മിനിട്ടില്‍ ആലപിക്കേണ്ടതാണ്. രാഗം, സ്വരം, നിരവല്‍ അനുവദനീയമല്ല.
സംഗീതാർച്ചനയില്‍ പങ്കെടുക്കാൻ മിനിമം പ്രായപരിധി പത്ത് വയസ്സാണ്. 2024 ആഗസ്റ്റ് 1-ന് പത്തു വയസ്സ് തികഞ്ഞ അപേക്ഷകർക്ക് സംഗീതോത്സവത്തില്‍ പങ്കെടുക്കാം. അംഗീകൃത അവതരണ വിഭാഗങ്ങള്‍ താഴെ കൊടുക്കുന്നു:
വായ്പ്പാട്ട് – വ്യക്തിഗതം / സംഘം (പരമാവധി 5 പേർ), തന്ത്രിവാദ്യം, സുഷിരവാദ്യം (കീബോർഡ്, ഹാർമോണിയം എന്നിവയുള്‍പ്പെടെ). പങ്കെടുക്കുന്നവർ ക്ഷണപത്രികയുടെ അസ്സല്‍ കൊണ്ടുവരികയും അതില്‍ സൂചിപ്പിച്ചിരിക്കുന്ന നിർദ്ദിഷ്ട സ്ലോട്ടിന് ഒരു മണിക്കൂർ മുമ്ബ് വേദിയില്‍ ഹാജരാകേണ്ടതാണ്. ഫോട്ടോ പതിച്ച ക്ഷണപത്രികയോടൊപ്പം തിരിച്ചറിയല്‍ കാർഡിൻ്റെ പകർപ്പ്, ഗുരുനാഥന്റെ സാക്ഷ്യപത്രം എന്നിവ നിർബന്ധമാണ്.
ഡൌണ്‍ലോഡ് ചെയ്തു ലഭിക്കുന്ന ക്ഷണപത്രികയില്‍ സംഗീതോത്സവത്തില്‍ പങ്കെടുക്കുന്നവരുടെ ഫോട്ടോയും പതിക്കണം. ഓണ്‍ലൈൻ രജിസ്ട്രേഷൻ നടത്തേണ്ട വെബ്സൈറ്റ് വിലാസം www.guruvayurdevaswom.in. രജിസ്ട്രേഷൻ നടത്തേണ്ട അവസാന തീയതി 2024 ഓഗസ്റ്റ് 31 വൈകിട്ട് 5 മണി.