മൂന്നു പേർ ഹാഷിഷ് ഓയിലുമായി പിടിയില്‍. കോതമംഗലം സ്വദേശികളാണ് പിടിയിലായത്. അമല്‍ ജോര്‍ജ് (32), സച്ചു ശശിധരന്‍ (31), പി.എച്ച്‌.അമീര്‍ (41) എന്നിവരാണ് കുമളിയില്‍ നിന്ന് പിടിക്കപ്പെട്ടത്. ഇവരുടെ പക്കല്‍ നിന്ന് പിടിച്ചെടുത്തത് 895 ഗ്രാം ഹാഷിഷ് ഓയിലാണ്. പ്രതികള്‍ പിടിയിലായത് എക്‌സൈസ് ചെക്ക്‌പോസ്റ്റില്‍ വച്ചാണ്. എക്‌സൈസ് ഉദ്യോഗസ്ഥര്‍ പരിശോധന നടത്തിയത് കാറിലെത്തിയ യുവാക്കളുടെ പെരുമാറ്റത്തില്‍ സംശയം തോന്നിയതിനാലാണ്. തുടർന്ന് രണ്ട് പൊതികളിലായി ശരീരത്തില്‍ ഒളിപ്പിച്ച നിലയില്‍ ഇവരില്‍ നിന്ന് ലഹരിമരുന്ന് കണ്ടെടുത്തു.