നല്ല മെറ്റബോളിസം നിലനിർത്താൻ ആവശ്യമായ ആരോഗ്യകരമായ പോഷകങ്ങളാല്‍ നിറഞ്ഞ വളരെ രുചികരമായ വെജിറ്റേറിയൻ തായ് സാലഡാണിത്.
ഉച്ചഭക്ഷണത്തിലോ അത്താഴത്തിലോ നിങ്ങള്‍ക്ക് ഈ ആരോഗ്യകരമായ സാലഡ് ഒരു സൈഡ് ഡിഷായി ഉള്‍പ്പെടുത്താം.
ആവശ്യമായ ചേരുവകള്‍
- 400 ഗ്രാം കുക്കുമ്ബർ
- 2 ചെറിയ ചുവന്ന ഉള്ളി
- ആവശ്യാനുസരണം വെള്ളം
- 2 ടേബിള്‍സ്പൂണ്‍ ആപ്പിള്‍ സിഡെർ വിനെഗർ
- ആവശ്യത്തിന് ഉപ്പ്
- 1 1/2 ടേബിള്‍സ്പൂണ്‍ പഞ്ചസാര
- 5 ടേബിള്‍സ്പൂണ്‍ തായ് സ്വീറ്റ് ചില്ലി സോസ്
- 2 ചെറിയ തക്കാളി
അലങ്കാരത്തിനായി
- 3 ടേബിള്‍സ്പൂണ്‍ വറുത്ത നിലക്കടല
- 2 ടേബിള്‍സ്പൂണ്‍ മല്ലിയില
തയ്യാറാക്കുന്ന വിധം
കുക്കുമ്ബർ നന്നായി തൊലി കളഞ്ഞ് കഷ്ണങ്ങളാക്കി മുറിക്കുക. ഇടത്തരം വലിപ്പമുള്ള ഒരു പാത്രത്തിലേക്ക് മാറ്റി തക്കാളിയും ഉള്ളിയും അരിഞ്ഞത് മാറ്റി വെക്കുക. ഇനി, പഞ്ചസാര, വെള്ളം, തായ് സ്വീറ്റ് ചില്ലി സോസ്, ആപ്പിള്‍ സിഡെർ വിനെഗർ എന്നിവ ഇടത്തരം തീയില്‍ കലർത്തി സാലഡ് ഡ്രസ്സിംഗ് തയ്യാറാക്കുക. ഇത് നന്നായി ഇളക്കി 5-6 മിനിറ്റിനു ശേഷം തീ ഓഫ് ചെയ്യുക. തണുപ്പിക്കട്ടെ. അരിഞ്ഞ വെള്ളരിക്ക, തക്കാളി, ഉള്ളി എന്നിവ മുകളില്‍ തയ്യാറാക്കിയ സാലഡ് ഡ്രെസ്സിംഗുമായി മിക്സ് ചെയ്യുക. വറുത്ത നിലക്കടലയും മല്ലിയിലയും ഉപയോഗിച്ച്‌ അലങ്കരിക്കുക. നിങ്ങളുടെ തായ് കുക്കുമ്ബർ സാലഡ് ഇപ്പോള്‍ വിളമ്ബാൻ തയ്യാറാണ്.