ഇപിഎഫ്‌ഒ വരിക്കാർക്ക് അവരുടെ യൂണിവേഴ്സല്‍ അക്കൗണ്ട് നമ്ബർ (യുഎഎൻ) സജീവമാക്കുന്നതിനും അവരുടെ ആധാർ അവരുടെ ബാങ്ക് അക്കൗണ്ടുമായി ബന്ധിപ്പിക്കുന്നതിനുമുള്ള സമയപരിധി നീട്ടി.
ജനുവരി 15 ആണ് പുതിയ സമയപരിധി. എംപ്ലോയ്‌മെൻ്റ് ലിങ്ക്ഡ് ഇൻസെൻ്റീവ് (ഇഎല്‍ഐ) സ്കീമിന് കീഴില്‍ ആനുകൂല്യങ്ങള്‍ ക്ലെയിം ചെയ്യുന്നതിനുള്ള നടപടിക്രമങ്ങള്‍ പൂർത്തിയാക്കാൻ ജീവനക്കാർക്ക് കൂടുതല്‍ സമയം അനുവദിച്ചിട്ടുമുണ്ട്.
നവംബർ 30 വരെയായിരുന്നു മുൻപത്തെ സമയപരിധി. എന്നാല്‍ ഇത് പിന്നീട് ഡിസംബർ 15 വരെ നീട്ടുകയായിരുന്നു. ഇപ്പോള്‍ ഇത് വീണ്ടും ജനുവരി 15 വരെ നീട്ടിയിരിക്കുകയാണ്. 2024 ജൂലൈയില്‍ ധനമന്ത്രി നിർമ്മല സീതാരാമൻ കേന്ദ്ര ബജറ്റില്‍ പ്രഖ്യാപിച്ച ഇഎല്‍ഐ പദ്ധതി ജീവനക്കാർക്ക് സാമ്ബത്തിക സഹായം നല്‍കാനും തൊഴിലവസരങ്ങള്‍ സൃഷ്ടിക്കാനും ലക്ഷ്യമിട്ടുകൊണ്ടുള്ളതാണ്.
ഇപിഎഫ്‌ഒ പുറത്തിറക്കിയ സർക്കുലറില്‍, എല്ലാ പുതിയ വരിക്കാരും, പ്രത്യേകിച്ച്‌ നടപ്പ് സാമ്ബത്തിക വർഷത്തില്‍ ചേർന്നവർ, യുഎഎൻ ആക്ടിവേഷനും ആധാർ ലിങ്കിങ്ങും ഉടനടി പൂർത്തിയാക്കുന്നുവെന്ന് ഉറപ്പാക്കാൻ ഇത് തൊഴിലുടമകളോട് അഭ്യർത്ഥിച്ചിട്ടുണ്ട്.