ചേർത്തല: അനധികൃത വില്പനയ്ക്ക് എത്തിച്ച ഇന്ത്യൻ നിർമിത വിദേശ മദ്യവുമായി യുവാവിനെ അർത്തുങ്കല്‍ പൊലീസ് അറസ്റ്റു ചെയ്തു.അര ലിറ്ററിന്റെ 8 മദ്യക്കുപ്പികളാണ് കണ്ടെത്തിയത്.ചേർത്തല തെക്ക് പഞ്ചായത്ത് മൂന്നാം വാർഡില്‍ പുതുവല്‍ പൂവള്ളിയില്‍ പി ആർ രാജീവ് (45) ആണ് അറസ്റ്റിലായത്. തൈക്കല്‍ ചമ്ബക്കാട് റോഡില്‍ പട്ടാണിശ്ശേരി കോളനിക്ക് സമീപത്തു വച്ച്‌ സ്കൂട്ടറില്‍ സഞ്ചരിക്കവെയാണ് പിടി കൂടിയത്.പൊലീസ് വാഹനം കണ്ട് കടന്നു കളയാൻ ശ്രമിച്ചെങ്കിലും രാജീവിനെ പിടികൂടുകയായിരുന്നു. പൊലീസ് പരിശോധനയില്‍ ഇയാളുടെ സ്കൂട്ടറില്‍ സീറ്റിന് അടിയില്‍ സൂക്ഷിച്ചിരുന്ന നിലയിലായിരുന്നു മദ്യം കണ്ടെത്തിയത്. ചോദ്യം ചെയ്തതില്‍ വില്ലനയ്ക്കായി കൊണ്ടു വന്നതാണെന്ന് സമ്മതിച്ചുവെന്ന് പൊലീസ് പറഞ്ഞു.ലൈസൻസോ വ്യക്തമായ രേഖകളോ ഇല്ലാതെ അളവില്‍ കൂടുതല്‍ മദ്യം കൈവശം വച്ചതിനും വില്‍പ്പനയ്ക്കായി കൊണ്ടുവന്നതിനും ഇയാള്‍ക്കെതിരെ കേസ് രജിസ്റ്റർ ചെയ്തു. അർത്തുങ്കല്‍ പൊലീസ് ഇൻസ്പെക്ടർ പി ജി മധു, സബ് ഇൻസ്പെക്ടർ ഡി സജീവ് കുമാർ, എസ്‌ഐ ഗോപൻ, ജൂഡ് ബെനഡിക്‌ട്, എ എസ്‌ഐ ശശികുമാർ, സിവില്‍ പൊലീസ് ഓഫിസര്‍ മനു എന്നിവരുടെ നേതൃത്വത്തിലാണ് പ്രതിയെ പിടികൂടിയത്.