ജിയോ 2026 ന്റെ ആദ്യ പകുതിയിൽ പബ്ലിക് ലിസ്റ്റിംഗിന് വിധേയമാകുമെന്ന് ചെയർമാൻ മുകേഷ് അംബാനി പ്രഖ്യാപിച്ചു.
അനുമതികൾ ലഭിച്ചാൽ 2026 ന്റെ ആദ്യ പകുതിയിൽ ജിയോ ഓഹരി വിപണിയിലെത്തുമെന്ന് അംബാനി വ്യക്തമാക്കി. റിയലൻസ് ഇൻഡസ്ട്രീസ് വാർഷിക ജനറൽ ബോഡി യോഗത്തിലായിരുന്നു അദ്ദേഹത്തിന്റെ പ്രഖ്യാപനം.
‘ജിയോ അതിന്റെ ഐപിഒയ്ക്ക് ഫയൽ ചെയ്യുന്നതിനുള്ള എല്ലാ ക്രമീകരണങ്ങളും ചെയ്യുന്നുണ്ടെന്ന് പ്രഖ്യാപിക്കുന്നതിൽ എനിക്ക് അഭിമാനമുണ്ട്. ആവശ്യമായ എല്ലാ അംഗീകാരങ്ങൾക്കും വിധേയമായി 2026 ഓടെ ജിയോയെ ലിസ്റ്റ് ചെയ്യാനാണ് ഞങ്ങൾ ലക്ഷ്യമിടുന്നത്. ആഗോള എതിരാളികളുടേതിന് സമാനമായ മൂല്യം സൃഷ്ടിക്കാൻ ജിയോയ്ക്ക് കഴിയുമെന്ന് ഇത് തെളിയിക്കുമെന്ന് ഞാൻ നിങ്ങൾക്ക് ഉറപ്പ് നൽകുന്നു.’ അംബാനി പറഞ്ഞു.
ജിയോയുടെ ഭാവി പദ്ധതികൾ കൂടുതൽ അഭിലഷണീയമാണെന്നും അഞ്ച് ഉറപ്പുകളെ അടിസ്ഥാനമാക്കിയുള്ളതാണെന്നും അദ്ദേഹം കൂട്ടിച്ചേർത്തു. എല്ലാ ഇന്ത്യക്കാരെയും മൊബൈൽ, ഹോം ബ്രോഡ്ബാൻഡ് വഴി ബന്ധിപ്പിക്കാനാണ് ജിയോ ശ്രമിക്കുന്നത് എന്നും അദ്ദേഹം പറഞ്ഞു. ജിയോ സ്മാർട്ട് ഹോം, ജിയോ ടിവി പ്ലസ്, ജിയോ ടിവി ഒഎസ്, തടസ്സമില്ലാത്ത ഓട്ടോമേഷൻ തുടങ്ങിയ ഡിജിറ്റൽ സേവനങ്ങൾ ഉപയോഗിച്ച് ജിയോ എല്ലാ ഇന്ത്യൻ വീടുകളെയും ശാക്തീകരിക്കും.
ജിയോ 2026 ന്റെ ആദ്യ പകുതിയിൽ പബ്ലിക് ലിസ്റ്റിംഗിന് വിധേയമാകുമെന്ന് ചെയർമാൻ മുകേഷ് അംബാനി പ്രഖ്യാപിച്ചു.
