കാവിക്കൊടിയേന്തിയ ഭാരതാംബ’ വിവാദത്തിനുശേഷം രാജ്ഭവനിൽ മുഖ്യമന്ത്രി പിണറായി വിജയൻ പങ്കെടുക്കുന്ന 28 ലെ ചടങ്ങിൽ ഈ ചിത്രം ഉപയോഗിക്കില്ല.

കാവിക്കൊടിയേന്തിയ ഭാരതാംബ’ വിവാദത്തിനുശേഷം രാജ്ഭവനിൽ മുഖ്യമന്ത്രി പിണറായി വിജയൻ പങ്കെടുക്കുന്ന 28 ലെ ചടങ്ങിൽ ഈ ചിത്രം ഉപയോഗിക്കില്ല. ഇക്കാര്യം രാജ്ഭവൻ സ്ഥിരീകരിച്ചു. രാജ്ഭവനിലെ ഇൻഹൗസ് ജേണലായ ‘രാജഹംസി’ന്റെ പ്രകാശനച്ചടങ്ങിലാണു മുഖ്യമന്ത്രി പങ്കെടുക്കുന്നത്. രാജ്ഭവൻ ഓഡിറ്റോറിയത്തിലാണു പരിപാടി.ഈയിടെ ഈ ഓഡിറ്റോറിയത്തിൽ സംഘടിപ്പിക്കുന്ന പരിപാടികളെല്ലാം ‘കാവിക്കൊടിയേന്തിയ ഭാരതാംബ’യുടെ ചിത്രത്തിൽ പുഷ്പാർച്ചന നടത്തിയും മുൻപിൽ വിളക്കു കൊളുത്തിയുമാണു തുടങ്ങാറുള്ളത്. സർക്കാർ പരിപാടികളിൽനിന്നു പ്രസ്തുത ചിത്രം ഒഴിവാക്കണമെന്നു മുഖ്യമന്ത്രി ആവശ്യപ്പെട്ടിരുന്നു. പറ്റില്ലെന്നായിരുന്നു രാജ്ഭവന്റെ നിലപാട്.  ഇതാണിപ്പോൾ മാറ്റിയത്.